| Profile<<..قراشيع..>>BlogLists |  Tools  Help |
|
February 17 تنويــــه قراشيعاويســــــــــلآم مثلث ياقدعااااااااااان
اعلن من هذا المنبر الكريم
أني عزلت من هذا السبيس
وسأتركه خاوين
كما ولدته امه
 وسوف أشد إلى هذا العنوان
واللي بيجيبونا بيتابعونا
وشكرن September 16 هااااي عليكم ورحمة الله وبركااااااتهيالله حيّـــهم
وابدزهم
اليوم مرّ اسبوع كامل على بدايةالدراسه
<< باللهي
وأنا صراحتن حايمتن تسبدي
بس مهب واااجد
شوي
نقطه
.
ولد أختي توّه دخل تمهيدي وطاااير من الفرحه
وانا اقوله بلاك ماتدري وش بيجيك يالدلخ
اجل مبسوط مالت عليك وعلى امك معك
<< اختس ياثوره
المشكله اني كنت العن منه يومني كبره
كنت قبل ادخل المدرسه يومين البس مراييل خواتي
واخذ معي شنطه وادور في البيت والحوش
واتخيل نفسي مع صقيقاتي وهـ بس
الحاصل اني من اول سنه اثبت
غبااائي وفشلي الذريع في هذا المجال
خخخخ
بس ماضرّني << اسم النبي حارسني
ووحده من صديقاتي تخرجت اخيرن وبعد
صراع مرير دام 9 سنوات بالكليه خخخخخ
ياحبي لها مكااافحه البنت
ماشالله عليها كانت مخضرمه عاصرت اجيال واجيال
واستفادت خبره واسعه لدرجة انها بتسوي بحث ماجستير
على طالبات الكليه
خخخخ
ياحبي لها مير
وانا نقلت لمدرسة جديده
مواريها طيبه ولحيتن غانمه
بس تسن حالة حومة التسبد بدت تسري
كـ سريان الدم في الشرايين
وكـ سريان الشسمه في هذا
..
<< ياشين اللي ماعنده ساااااااااااااالفه
الزبده
ياليت بالحياة فيه شي اسمه ديليت
يعني اذا ماجاز للأحد منا شي
يسوي كليك باليمين
ويختار ديليت
وينتهي
 أحيان اسويها مع نفسي وتضبط
واحيان ماتضبط
قبل انام اسوي في مخي نفس الخطوات
<< تسمع بالايحاء
خخخخخخخخخ
...
وألف صوت بليّأ وجه يحذرني
بقاياك اللي نسيتيها ترى هالناس ماينسون.
تعالي شوفي بعينك.
بقايا ظهرك المطعون
وأنتي الجرح صرخ منك
كفـــاية طعون
!!
\\
آخر عباراتي وداع
..
تخيلتك دواي
وصرت جرحي الصعب
..
وش عاد لاانوجعت
لا هي اول ولا اخر جراحاتي
رضّـه من عرض الرضوض
!!
ودي أرجـــع لـ غفوة الصبح الســـلام
ودي
ليلـــــــــه .. احتضن روحي وانام
.!!.
September 01 This Talk NO WALK .. Me Have Watch Student Coffee..:pقراشيع
من هي
ووش تبي
وش سالفة أمّينها
 بإختصـــار
هي رمز الدلاخـه الفاضحه
 لن أتحدث عنها أكثر
ولكن سأدع تاريخها يحكي عنها
ولكم مطلق الحكم أحبتي
 **
الزمان .. في بداية التسعينات
المكان .. مدرسة ابتدائية
في أول فصل على يدك اليسار في الدور الثاني
نسمع صوت المعلمه وهي تصرخ .. ياغبييييييييييه
3×3
تسااوي سته ؟؟؟
 الله يخلللللللف على أمتس
وصلتي ساادس وجدول الضرب ماحفظتيه؟
لا ومهب بس تسذا الا تجاوبين وبكل قواية وجه
افتحي يدينتس وليت هالضرب اللي كل يوم تاكلينه
يجيب نتيجه
طرااااخ طرااااخ طييييخ طييييييخ
 يالله روحي اوقفي باخر الفصل وارفعي يدينتس وارفعي رجل
وتعود صديقتنا الى اخر الفصل وبكل دلاخه والابتسامه شاقه وجهها
وتفعل ماطلبته المعلمه
و هي تدندن في داخلها
فاوازير الصغار نقولها بموسيقى واشعار؟
فيها كتير اسرار يفهمها الشوطاار
فوازير فاوازير فاوازير فاوازير فاوازير
 وفجأتن ؟؟
لمعت عينا صديقتنا
ووظهرت صورة نجفه فوق رأسها الكبير
وإذا بها فكرة جهنميه
بل بالأحرى إكتشاف عظيم ماكان نيوتن ليتوصل إليه
" صوتي زين ورى ماانشد بالطابور"
كان هذا اكتشافها وكانت هذه فكرتها
التي مالبثت الا و رأت النور
\\
//
\\
وفي أحد ردهات المدرسه
ابله فاطمه ابله فاطمه
وتلتفت ابله فاطمه عليها قائلتن
خير ؟ وش تبين؟ مايكفي انتس جبتي لي المرض بحصة الرياضيات؟
خلاص ابله انا قررت ابي انشد انشوده بالطابور
ابله فاطمه وقد علت على ملامحها بوادر الاغماءه
اذا حجت البقر على قرونها
طيب ابله فاطمه متى بتحج؟
ابله فاطمه وهي تستند على الجدار
خلالالاص بتنشدين بس فااردزي
واخذت صديقتنا بالقفز فرحن وسرورن
 \\
//
\\
الساعه تشير الى الثانيه ظهرن
في تلك الغرفه الزرقاء وعلى السرير القريب من الباب
كانت صديقتنا منجطله كالفقمه
وهي تفكر وتبحث عن الانشوده المنشوده
لا ترغب بترديد ماتنشده الاخريات كل صباح
تريد انشوده مميزه لم يسمع بها العالم بأسره
<< ابو الطموح اللي هيك
وفجأتن
:\
ولع كُـبس فوق رأسها المدوّر
وإذا بتلك الفكره التي تمتطي خيل اشقر سريع
تقترب منها حتى كادت ان ترتطم بها
ورى ما أفتّش كتاب القصايد اللي عندي وادور لي جديده؟
وبالفعل قفزت الى الدرج واحضرت الكتاب واخذت تقلبه
يمنتن ويسره علّها تجد ضالّتها
حيث وقع خيارها على قصيده رائعة المغزى
وقوية الكلمات
وكان مطلعها
أُختاه يابنت الخليج تحشّمي .. لا ترفعي عنكِ الخمار فـ تندمي
مهلن ؟؟؟؟؟؟؟؟
هذه مجرد قصيده لا لحن لها؟؟
هيء هأ هؤ << ابتسامه خبيثه
اللحن عندي وانا ام هندي
 وماكانت الا ثلاث دقائق واللحن كان مضبوطن جاهزن
وواخذت صديقتنا تدور وتلف في ارجاء المنزل وهي تردد انشودتها
عندما اشارت الساعه الى السابعه والنصف دخلت لفراشها
لانها لاتستطيع ان تصبر حتى يأتي يوم غد
فـ تقلبت وتقلبت
ولكن النوم جافاها
 خرجت لأمها وهي تبكي
يمممممماااااااااه عجزززت اناااااااااااااااام
وقالت لها امها
اقحني لبن عشان تتخدرين وتخمدين
وبالفعل عملت بنصيحة امها ودردبت كأس لبن بارد ونامت بعدها حتى الساعه 6 صباحن
\\
الساعه السادسه صباحن
صديقتنا مصابه بالذهول والحزن حيث ان خشمها مسدود
ياربيييييييه مالقيت ازكم الا اليوم
اغيب والا ماغيب؟؟؟ بس حساافه اغيب وانا ابنشد
والله ماغيب حرّ
ثم عبئت جيوبها بـ لفائف من المحارم الورقيه وذهبت مسرعه الى المدرسه
رغبتن منها بالوصول مبكره
\\
الساعه تشير الى السادسه وخمستن وخمسون دقيقه
والآن مع انشودة الصباح تشدو بها الطالبه قراشيع
  تتقدم قراشيع وأنفها احمر وبيدها لفّة محارم ورقيه
ومن ثم تقف خلف المايكروفون وتفتح النشيد بـ نشقة
اححححب
اختاااه يابت الخليج تحشبي امننننننننننننننففففف << نشقه
 لا ترفعي عدكي الخبار فتدبي امممممممممننننننننننننننننف
وفي تلك اللحظات
 نظرت المديرة الى ابله فاطمه نظره بشعه ومفادها دواتس بعدين الله يقرفتس
وثم اشارت المديره الى الصفوف بحركه تعني اصعدوا
 وصديقتنا مازالت تشدو بأعذب الالحان
لم تنتبه لهذا التصرف الوحشي من مديرتها المستديره
حيث انها كانت تغمض عيناها من شدة الحماس والتأثر بكلمات الانشوده
ولم تشعر الا ورفيقتها التي كانت تمسك المايكروفون تضربها على رأسها قائلتن
بس
!!
 ابتعدت تلك الفتاة
وبقيت قراشيع
تنظر الى الساحه امامها
كيف انها وفي لحظه اصبحت فارغه تمامن
اين تلك الوجوه
اين الجماهير
اين التصفيق
 وقطع عليها حبل افكارها حين سحبتها المساعده العملاقه مع اذنها
قائلتن ورى ماتذلفين لفصلتس ياام نشقه
 August 18 بإسمك صررخت وصابني نشوة الزار << ياروحي يامدري وشسمك خخخخبحكم اني طباختن ماهره قررت اعطيكم اليوم
شي اوب طبيعي من خلطاتي الجهنميه
<<< طيب سلمي حطي مقدمه اي شي
خخخخخخ
المهم << باللهي عدوا كم مره بقولها
اليوم جبت لكم طبق جديد ليعبيء كروشكم
النهمه
واسمه
ومن الاسم واضح انه مهب مطبق
ولا هوب حوايج
خخخخخخخخخخخخخخخ
اللي بيغير بالمقادير ترى بلعن شكله
ويويله لو يكمل قرايه
<< ماسكتن مددس
مارس
(الشقليطه)
ملعقة كبيرة كوفي ميت
ملعقة كبيره نسكافيه
كاس ونص مويه
كبكبوها بالخلاّط
واخلطوها الين تغدي برابيس
همن حطوها بابريدز وعلى النار اغلوها
همن قدموها
وصحتين ومرّ
طبعن السكر على حسب الشسمه
وترى المقادير تكفي
صخص واحد
او اثنين بس يعننهم برستيج ومانشرب الا نقطه
والا اللي ناوي يضرب بها يضاعف الكميه
وأي بربسه او تسمم انا غير مسؤلة
بتاتن البته
والفيس من الفيس وايت
خخخخخ July 28 آآآل أيــه بيسألوني عنك يانور عيوني معئول اكون بحبك اكتر من نفسي ليه ليهطيب
فيني سوالف بس ماعندي موضوع احتسي فيه
 خن اشرح لكم معاناتي مع الخمّه اللي عندنا
اللي محسوبين اطفال
 فيهــــم حراااشه بنت ست وستين كلب
شغلتهم مغير رايح جاي تحريش على بعض
لو واحد يكح جوا كلهم يركضون
خاله قرقر ترى فلان كح
ومررره جوني ساحبين لي واحد منهم
وهو يصيييييييييييييييييييييييييح
وكلهم يحتسون بنفس الوقت
شوفي وش قال قليل الادب
خاله قرقر شوفي هذا يقولنا ياكلاب
اعنبو شياطينكم كاتلكم الادب؟
ومير اقوم واجلدهم هم واياه
 ومره من الأمرار
كنا جالسين بالصاله اللي تحت ونشوف التلفزيون والورعان جالسين فوق
طبعن الصاله اللي تحت مفتوحه على اللي فوق
وكنت متحمممسه وفاقه خشتي مع برنامج من جديد
ومادريت الا درررررررررررررررررررردب على راسي كرتون مناديل نازل مليون من فوق
وانا اللي اقووووم ورااسي يطلع منه دخاخين
وارقى عليهم وافصخ الزنوبه وامحطهم كلهم
وهم يصايحون وكلن يلزقها بالثاني
طبعن يوم نزلت ولا اهلي ميتين من الضحك يقولون
لو تسمعين صوت شهقتهم يوم دروا انه طاح فوق راستس تسان رحمتيهم
عاد عقب ماسويت لهم مجلس تحقيق
اكتشفت انهم يبون يرمونه تحت
ومن رداة حظهم انه طاح فوق راسي
ومره كنا مع زوج اختي بالسياره
وطبعن عيال خواتي يقالهم مطاوعه مايبون الاغاني
واذا جت نانسي عجرم فقوا خششهم وصارت حلال
 المهم قال واحد منهم بابا سكر الاغاني
قال الثاني لا خلوها عشان خاله قرقر تحب الاغاني
قال الثالث اسمها اوب خاله قرقر اسمها خاله اغاني
عطاكم الصمرقع متسلطينن علي ياعلّكم المنب قايله
ومره كانوا عندنا خالاتي
خخخخخخخخخخخ
عاد ذي فضيحه صدق
طبعن احنا نشوت المبزره مايدخلون اذا جانا احد
يسلمون ويطلعون
المهم ولد اختي يموت على الشوكولاته ومن يوم جوا خالاتي
وهو عينه على الصياني وطبعن مهددينه قبل
وكل شوي نشوف يد جنب الباب
والا رجل
والا رموش
يلمح لنا وحنا سافطينه خخخخ
شوي ويدخل نص جسمه والنصف الاخر برى استعدادن للنحشه
قال ترى ماما وبابا داايم يطلعون يتعشون بتشيليز ويخلونا بالبيت
نتعشى اندومي
طبعن حنا ماندري وش نسوي من الفشييييييييييييله
خخخخخخخخخخ
اختي وجهها يحمر ويصفر ويزرق واانا اخبص بالكلام ابضيع السالفه
وراحت العزومه واحنا على اعصابنا نحتريهم بس يطلعون
عشان نسطرهم
مااقول الا يا حظهم فيني
وهـ بس
 June 28 NoBoDY'S .. FooLطبعن يوم جديد
وثيم جديد
<<< تسن محلوفن عليها كل يوم تغيّرهـ
 يخي وش اسوي طفشت من الاول
وعجزت الاقي الثيم اللي يفزّ له قلبي
واحس انه يحتسي عني ويعبّرني
عمومن
وش اللي صاير بالدنيا ؟؟
وش بلا الناس معد تستحي على وجهها؟
يغلطون ولا تسنهم مسوين شي
خييييير ان شالله
الى متى الواحد بيبتل حليل ومتسامح؟
وهالاشكال كلّن ينهش من جهه
..
يعني خوذوا مثال
وعلى طار ي المثال فيه بيت يقول
..
أبسط مثال إليا بغيت الصراحه
أقولك طيب بس انا ماني بخير
وحده.. ترسل لك بدون مناسبة رسالة تهزيء وتشرّهـ
وبالاحرى هي اللي غلطانه ومتجاهلتك بموقف
همن عقبها بفتره ترجع ترسل رسايل شوق
وحنين ... وعتب .. وتدق .. وترسل تراني ابي اسلم عليك
خير يختي لعبتن عن أمّـن جابتس؟
متى مابغيتي تسبسبين ومتى مابغيتي ترجعين؟
ضفي خشتس اقووول
وبالفعل
اكتشفت ان هالاشكال مالهم دوواء غير الطنااااااااااااااااااش
سبحان الله مايبين بعينهم الخير
فـ من باب اولى ان الواحد يحقرهم
عشان يعلمهم قيمة انفسهم.. وان الناس مايمشون على مزاجاتهم
!!
ناس مايدورونك الا اذا ضاقت صدورهم
عشان يتكلمون وبعدها ينقطعووون
الين مايجيهم شي ثاني ينكد عليهم؟
يعني مخلينك حق النكد وبس
يعني لو مرّهـ او مرتين او خمس حتى معليش
ولكن يتناسون مشاعرك ولايقدرون ظروفك
ويستغلّونك ابشع استغلااااال
..
حلو انك تسمع للي حولك
وتخفف عنهم. وتساعدهم
اقل شي لو يتكلمون ويفضفضون
ولكن فيه ناس ماتستاهل لانها ماراعتك بالاساس
ومخليتك بس وقت النكد .. وبالفرح ينسونك
صديقيني اللي كل يوم انا وياهم
واللي اشوفهم بالزينه وبالشينه
طبيعي اني ما أرضى عليهم الضيقه والهم
ويمكن انا اللي انشب فيهم عشان يتكلمون
يعني اعتراضي عاللي ذكرتهم قبل مو من باب الانانيه
ولكن من باب الانسانيه
..
وكلامي هذا ينطبق على معارفنا في حياتنا اليوميه
أو في حياتنا النتيـه
واللي يصير برى النت يصير بداخله
الاشكال اللي نشوفها برى نشوفها هنا
ولكن الفرق اننا نتعامل مع يوزرات مستعاره هنا
وبرى مع يوزرات حقيقيه
ولكن خلف اليوزرات المستعاره فيه بشر
تحس\ تحب \تحب \تفرح \تحزن \ تكره
حتى ولو تغيرت المسميات
فيه وراها قلوب تنبض بالحياة
مهما غيرت عن نفسها المعلومات
تبقى دواخلها زي ما هي
ويمكن تنتثر أكثر هنا
بحكم ان محد يعرفها
!!
احنا كلناااا بشر سواء في النت أو خارجه
ياليت الواحد لما يتعامل مع غيره يراعي هالشي
ومو معناه اني في نت اخرّب اخلاقي
بحكم ان محد بيعرفني
!!
لأن المهذب مهذب وين ما كان ومع مين ما كان
Have A Nice Day
June 26 what u see is what u've get<<== مهيب عاقله قراشيع سبيرز طبعـــــاً المســـاحة هذي للفضفضه الشخبطه "الخثردزه" لا احد ينقد ولا احد يحتري شي عليه القيمه
يعني اللي بيقرا ويتحمد ربه على نعمة العقل اللي وده يذب والا يهاوش <<بشويش علي تراني ركيكه واللي ماوده بشي بعد عادي قسم <<< ياحبي لها سممممحه
anyway شفت قبل يومين فيديو كليب "إنت أيـه" آآخ يعوّر القلب
مدري تسيف يجي له قلب هكا الوغد يسوي بها هالسوايا اسود الوجه أسوود الوجه؟؟؟ اييييه الله اعلم منهو اسود الوجه خخخخخ قسم مالومها وهي تقول: لوكان دا حب يويلي منو لو كان دا زنب ماتوب عنو لو كان نصيبي اعيش في قراح ح عيش في قرااح <<< اعنبو دارتس حددي موقفتس معه والا معها
طبعن هذا امتداد لسلسة الكليبات اللي قبلها يااااي شو مدري وشو كلماته ولون عيونك واللحين هذا يقاله هك عليها وطلع خربوطي راعي حريم وراعي شرب الله يتسافينا الشر وهي ياعمري عليها سنافيه اجوديه متحملتن غرابيله يووووه ياشكلها باخر الكليب وهي تبكي يعوّر القلب
مير انا اقول لو تعلم عليه الهيئه عشان يقفطونه ويقيمون عليه الحد اصرف <<ابو حبن تعرفينه ياشيخه خخخخخخخخ عاد انا وش حارقن رزي بقريح اللي يطير بها هي وياه
ترى اول العصر يجي في دبي مبروكه ومحظوظه "على الدنيا السلام" يااحبي لذاك المسلسل نوووكته من كثر ماشفته زمان ... اللحين حافظه السيناريو اكثر منهم ويمكن لو يغلطون صححت لهم خخخخخ صحيح ان فيه استهتار بعقلية الجنط المشاهد مثل خالتي قماشه انواااع الخياال والقهر انه كان يمشي علينا بس مع هذا مازال فلّــه حياااة الفهد فظيييييعه نووكته فيها عفوويه مو طبيعيه لدرجة ان سعاد عبدالله في كذا مشهد كاااتمه ضحكتها خخخخ مالومها قسمن يوووه ياذووقي زماااان زباله الله يكرمكم << وانتي خليتي فيها كرامه خخخخ كانت سعاد عبدالله اجمل وحده بالعالم بالنسبة لي
وما أتمنى الا اذا كبرت اصير اشبه لها <<< والله من زين الذوق المهم ان اللي في مخباتي<< على وزن جعبتي خلّص وان تذكرت شي ترى يمكن ارجع هماااه سبيسي كيفففففففففففففي <<<
June 23 Speacial Thanks For These Guys
أحب أشكر الفريق أعلاه على ماقاموا به تجاه الحمامه اللئيمه حيث أنهم وقفوا في وجهها صفّـاً واحداً وكانوا يداً واحده في صدّ هجماتها الشريره على حضرتنا وعلّموها ان الله حق
وأحب اقولتس يالحمامه ترى وراي رجال يدافعون عني
وتسانتس بنت ابوتس ارجعي مرتن ثانيه خخخخخخخخخ شوكرن رمال على فكرتس الجميله
وشوكرن لاموني عشان الصوره
ايه نسيت اقول شي تراها راحت عني لدريشة امي بكيفها تدبر عمرها << نذااله خخخخخ
June 21 وحمــــامن جانا مسياان وياليت من بخها بفليتغالباً تميل الفتيات إلى العناية بالحيوانات الاليفه النعومه مثل الارانب - القطاوه - العصافير- الكتاكيت والا الحمام بينما التماسيح يميلون لصيد الضبان- الصقوور - البعارين
وانا يا مرتن مالله عطاني من حب الحيوانات ولا نقطه بالعكس كنت يومني صغيره الاحق القطاوه كذا بس عشان تركض<< امرااض
واللحيــن اعتقد بأني ابشتري لي سكتوون والا مدفع عشان افجر بحمامتن امتحنت والدي والديني تتسلط علي اذا نمت وتجي تصارخ عند دريشتي اعنبو بليستس ضاق البيت جايتن عندي؟؟
المشكله انها ماعندها كرامه كل مره اقوم واطق الدريشه وتنحاااش لاسلاك الكهرب اللي قدام البيت وعقب ربع ساعه ترجع واللي قاهرني انها ذهيييييينه احيانن اجي بشوويش ابفتح الدريشه عشان امسكها وازززززنطها << ابو الرقه ياشيخه خخخ ومن يوم ما تسمع طقه تفررركها الكلبه آآآآآآآآآآآخ يالضغط فكرت احط سكاكين واوقفهن والا عودان سنون عشان اذا جت تنطعن ووووفكرت بعد اني اقطع اسلاك الكهرب وارشهن بمويه عشان اذا طارت لهن ينفضها الكهرب وتفطسسس واقترحت علي وحده (الله يجزاها خير وينفع بها المسلمين) اني ابخها بفليت بس انها ماتنقضب الله يقلعها وحالين صرت استخدم طريقة (الترجيم) << مهب ترقيم بالكويتي الين ما يفتح الله علي والقى لي طريقه انتقم منهااااا << مهب مرضيها الا مشهد الدمامين وطريقة الترجيم كالتالي :- احط جنبي اسلحه ( وسايد \ كراتين مناديل \أي شي صغير وله وزن) واذا سمعت صوتها رجمت الدريشه طبعن الخبله تنحاش تحسبني جيت وهـ بس على الله ماتكشفني
مدري بس احس انها بيجي لها يوم وتحتل غرفتي واباكل تبن وابثنبر برى << يرحم امتس لا تتخيلين واجد June 19 الجاثوم .. اسمح لي اقولك اني اكررهك << لاه عورتي مشاعره خخخخ
<<< اكثر من تلّوع من هالتسلب
اختلف الكثيرون على تصنيف ذلك الكابوس البشع
أحدن يقول انه جني! وأحدن يقول أنه مهب شي << مهب انا ابد هالاحد خخخخ احدن يقول من قل ذكر الله واحدن يقول انه نوم على شبعه واحدن يقول تأخير صلاة وانا اقول انه شي يرفع الضغط خاصتن اذا انك صاحي وتبي تفتح عيونك وذا صااكهن تتفل عليه .. تقرا معوذاات .. تلعععن ماااااااااااااااااااااااااااايفيد أحس الدم غلى بعروقي يوم تذكرته
سمعت الكثير من القصص ناس يقولون شافوه وناس يقولون انهم قد تطاقوا معه <<< ياتسذب معارفتس خخخخخ
كثير يتبلاّهم فتره مهيب بسيطه وانا من هالناس كنت انام على وضوء واقرا اذكاري واصلي ومع كذا يجي جاااه بطنه مدااااااوم كل ليله لدرجة اني شكيت انه يحبني ومن ذيك القصص حقة أساطير شعبيه خخخخخ
بس الجد وحده من صديقاتي اول ماتزوجت سكنت بيت وكان دايمن يجيها بالصبح اذا راح زوجها للدوام لدرجة أنه سبب لها ررعب وكرهت البيت وعجزت تجلس فيه !
أول مره جاني كنت بثاني متوسط وكنت متفقه مع اختي اننا بنغيب ويوم جا الصبح حسيت بها تدخل الغرفه يالله وبالقوه فتحت عيوني لوهله (حلوه وهله)خخخخ ابي اتكلم ابي اتحرك ابهااوش لآني شفتها لابسه وبتطلع هيييييه ام الشبااااب طارت وجحدتني طبعن وبحكم دلاختي ماكنت ادري وش سالفة أمه ذاك الوقت خخخخخخخخ الا لين شرحته لأمي وعلمتني انه المبجل جاثوم
آآآآآآآخ ليت من شافك يا جاثوم قريح تسان قسم بالله بفليت ابخه بخشتك
يقولون ان اللي يحتسي فيه يجيه <<< سوالف عجز خخخخخ
سويت له بحث بالنت ابي اشوف وش يرجع له بس مالقيت اجابه شافيه!
طبعن واللي بيقول وش طاري هالموضوع بقوله انه من مبطي ما سير علينا ابو جثم ومن هذا المنبر احب اقوله وحشتنا ياابو واترك عنك التغلي
June 18 وش حيثنـــكم كلن جنبه نجمه صفرا تلولش
يالله حيهم كلّن بـ نيمه يازين الاستقلاليه يخي الواحد يحس ان له بيت ويتحكم بالاثاث يغير ويعدل ويبدل خخخخ طبعن تونا قايلين يالله وبالله عشان تسذا أعدكم وعد كـ وعد بلفور أني ابرجع وانفخ روسكم بالحتسي <<< اموت واشوف هالجمهور اللي تحاتسينه خخخخ والآلآلآن ابترك بين كراعينكم ذا الاوغنيه اللي احبها اكثر من حبي لكلّش وودي اقول لـ الأخت برتني سبيرز صح لسانتس
There's a girl in the mirror
|
||||
خخخ
|
|
|
